Manila, Philippines – Nagpakita ng
pagsuporta si Pangulong Rodrigo Duterte sa iminungkahi ni Senator Chirstopher
Lawrece “Bong” Go na programang Balik Probinsiya. Ang programang ito ay
magbibigay ng insentibo at uportnidad sa mga Pilipinong nais malipat sa mga
probinsiya pag tapos na ang coronavirus disease 2019 (COVID-19).
Ayon sa recorded public address ng
Pangulo nitong Biyernes (April 24), nasabi nito na ang mungkahing ito ng
senador ay isang magandang ideya na magbibigay kahulugan ng pagasa sa gitna ng
COVID-19 crisis.
“If
they go there, some of them might really leave the city of Manila or its
environs with a heavy heart, but we have to provide transportation. What is
important is we give them hope,” ito ang sabi ng Pangulo sa isang
pagpupulong kasama ang government task force hingil sa responde sa coronavirus
nitong Huwebes lamang.
Ipinakita
naman ni Senator Go ang kasikipan sa Metro Manila at ng iba pang lunsod na
dahil dito, mabilis ang pagkalat ng COVID-19 at napapabagal nito ang pagbibigay
ng tulong sa mga naapektohan ng kalamidad.
“Mapapagaan
din natin ang pinapasan ng mga syudad kapag nabawasan ang tao sa mga lugar
nila (We will ease the burden of cities if the number of people will be
reduced),” sabi ni Go.
Dagdag
pa aniya, mangyayari ito sa tamang panahon at ito ay maaring maging “new normal”.
Samantala,
ayon naman kay Senator Panfilo Lacson, ang mungkahing pagpapaluwag ng Metro
Manila ay mangyayari lamang kung gagawa ng uportunidad ang national government
sa mga kanayonan.
“The
answer lies in a more equitable distribution of the national budget that adopts
a mere 20 percent of projects, activities and programs out of those endorsed by
the local development councils,” sabi ni Lacson.
Sinuportahan
naman ni Albay Second District Rep. Jose Maria Salceda ang mungkahi ni Go.
Dagdag pa ni Salceda, may mga tatlong bagay na makakahikayat sa mga tao na
tumigil o malipat sa mga probinysa – “mobility, opportunity and quality of life”.
