Isang
Filipina caregiver sa Taiwan ang naiulat na pauuwiin sa Pilipinas dahil sa
kaniyang mga posts sa social media na ayon sa DOLE, ito ay malisyoso at hindi
magandang posts laban kay Pangulong Rodrigo Duterte.
Ang
caregiver ay kinilalang si Elanel Egot Ordidor, na nagtratrabaho sa Yunlin
Country, Taiwan, ni Labor Attaché Fidel V. Macauyag.
Binisita na
umano nina Macauyag si Ordidor noong April 20 sa Yunin Country at pinaliwanagan
tungkol sa kanyang mga nai-post sa Facebook.
Nangako
naman si Oridor na kanyang tatanggalin ang mga videos na nai-upload nito laban
sa Pangulo matapos itong masabihan na posible siyang makasuhan sa Taiwan at
pati na rin sa Pilipinas.
Bukod dito,
nangako rin ang Filipina caregiver na mag-uupload siya ng video ng kanyang
paghihingi ng paumanhin sa publiko kay Pangulong Duterte at sa mga tao sa
gobyerno.
Gayon pa
man, ilang oras matapos ang pagbisita, ilang posts ang nakita sa Facebook page
ng POLO Taichung galing sa ilang pekeng accounts na ayon kay Macauyag ay
pagmamay-ari ni Ordidor.
“It has come
to our knowledge that Ms. Ordidor is using several social media accounts, among
which are Lenale Elanel Egot, Mha Lan Dee, Linn Silawan and Hampas Lupa and has
a group organized to discredit and malign the President and destabilize the
government” ayon sa press statement ni Macauyag.
“Due to her
acts, POLO coordinated with her broker and employer on her deportation on the
basis of the gravity of Ordidor’s offense under Philippine Law. The sharing and
posting of such videos are punishable under Cyber libel under Republic Act No.
10175.” Dagdag pa sa press statement.
Eto ang larawan ng kabuoan ng Press Statement ni Macauyag.
