Manila, Philippines – Tinuligsa ng Department of the Interior and
Local Government ang Leftist group na ANAKPAWIS dahil sa paglabag nito sa
Enhanced Community Quarantine sa Luzon.
Nasabing ang ilan sa mga miyembro nito ay nilabag ang polisiya ng
‘stay at home’, nagsagawa ng hindi awtorisadong pagbyahe sa labas ng Metro
Manila, at ang pagtanka nitong magbuo ng malaking pagpupulong sa Norzagaray,
Bulacan sa pagbabalatkayong mamimigay ng relief goods.
“Breaking the Quarantine rules is breaking the law. 'Wag po tayong
pasaway. You are only allowed to go out of residence to buy food, medicines or
for medical emergencies. By doing this obvious propaganda stunt, Anakpawis has
placed the lives of the people of Bulacan at risk. Wala pong pinipili ang
COVID-19 (coronavirus disease 2019). Mayaman man o mahirap,” ito ang sinabi ni
DILG Spokesperson and Undersecretary Jonathan E. Malaya.
Ayon pa kay Malaya, ang grupo ay nakakalusot sa ilang mga PNP
checkpoints sa pamamagitan ng pagpapakita ng hindi awtorisadong food pass sa
windshield ng kanilang jeep. Bukod pa dito, binabanggit din nila ang pangalan
ng dating Anakpawis party-list congressman na si Ariel Casilao na sa makatuwid
ay hindi na miyembro ng kongreso.
“Nag name-drop pa sila ng ex-partylist congressman pero buti na
lang nasabat sila sa isang checkpoint sa Bigte, Norzagaray, Bulacan,” sabi ni
Malaya.
“We wish to remind Anakpawis that the virus cannot spread by
itself. It has no legs. It is people that spread the virus. You give us no
choice but to file charges against you. Wala po tayong special treatment kahit
may congressman kayo. Ang lahat ng pasaway, kakasuhan,” sabi ni Malaya.
Nakumpiska ang isang berdeng jeep ng Norzagaray PNP na may plate
number na ZHN 869 na may anim na sakay.
Naaresto sina Karl Mae San Juan ng Project 6, Quezon City;
Marlon Lester Gueta ng Barangay 172, 1422, Caloocan City; Robero Medel ng
Kamias, Quezon City; Eriberto Peña Jr. ng San Jose Del Monte City, Bulacan;
Raymar Guaves ng Bahay Toro, Project 8, Quezon City; at Tobi Estrada ng
Malingap St., Quezon City, sa paglabag sa quarantine.
“Kung tunay ngang relief operation ang kailangan gagawin, bakit
'di sila nakipag-ugnayan sa IATF (Inter-Agency Task Force), NTF (National Task
Force) COVID or kahit man lang sana sa local government unit (LGU) ng
Norzagaray, Bulacan? Maari naman silang payagan kung 'yon ang tunay nilang
layunin,” sabi ni Malaya.
Dagdag pa aniya, nakita ang tunay na layunin ng grupo dahil sa
dami ng propaganda materials.
“Kung tunay ngang relief operation ito, bakit sila magdadala ng
napakaraming propaganda materials?,” sabi Malaya.
Ang mga nakumpiskang propaganda materials naman ay gagamiting
ebidensya sa korte, samantalang ang mga relief goods ay naibigay na sa Brgy.
Captain ng Bigte.
“Anakpawis will have their day in court. The DILG assures them of
due process. Sa korte na sila magpaliwanag,” sabi pa ni Malaya.
Samantala, nahaharap ang anim na nahuli sa kasong paglabag sa
Bayanihan to Heal As One Act.
