MANILA, Philippines, February 27, 2020 – Netong huwebes, nakiusap
si House Speaker Alan Peter Cayetano sa National Telecommunications Commission
na bigyan ng provisional authority na mag operate ang ABS-CBN habang
pinagde-desisyonan ng Kongreso ang pag-renew ng prangkisa ng higanteng
network. Dagdag pa aniya na ang hakbang
na yaon ay ang pinakamainam gawin. Sabi rin ni Cayetano na ang mga hindi
sumang-ayon ay maaring dalhin sa Korte Suprema ang kaso. Eton a rin ay dahil sa
nakapirma sya sa sulat.
"Kung may makukulong sa ABS-CBN dahil nagbobroadcast sila habang
naghihearing kami, sasamahan ko sila sa kulungan. Ikulong niyo na rin ako dahil
ako nakapirma sa sulat e." – Cayetano.
Sumang-ayon naman si Cayetano sa
liham na ipinadala ng chair ng House Committee on Legislative Franchises na si
Franz Alvarez sa NTC nitong Miyerkules lamang. Nagkasundo ang dalawa na payagan
ang ABS-CBN na umere kahit na tapos na ang kanilang prangkisa sa May 4, hanggang
sa makapagdesisyon ang Kongreso kung makakaroon ulit ng prangkisa ang nasabing
network sa loob ng 25 taon. Ayon sa report, pinagaaralan na rin ng NTC Deputy
Commissioner na si Edgardo Cabarios ang kanilang magiging tugon.
Samantala, sa magkahiwalay na
panayam sa media nitong huwebes lamang, iginiit ni Senator Panfilo “Ping”
Lacson na ang tanging paraan lamang para mapanatili ang operasyon ng ABS-CBN ay
ang pagkakaroon ng congressional franchise. Bukod dito ay maaring magkaroon ng
paglabag sa batas.
Dagdag pa ni Lacson, maaring
masampahan ng kaso ang NTC ng pagpapanggap o di kaya ay labag sa batas na pagamit ng awtoridad kung pinayagan nito na
mag operate ang ABS-CBN pag tapos na ang epekto ng prangkisa.
Sabi pa ni Lacson - "Wala akong
nakikitang remedyo kapag walang legislative franchise."
Sumangayon naman si Lacson sa
dating Chief Justice Renato Puno na naniniwalang ang isang estasyon ng
telibisyon ay nangangailangan ng lisensya para makapag operate at eto ay naka
base sa desisyon ng Korte Suprema ng 2003.
