MANILA, Philippines – Ayon sa balita, hindi handa ang
gobyerno ng Estados Unidos sa agarang pag termina ni Pangulong Rodrigo Duterte
sa Visiting Forces Agreement (VFA). Eto ang sabi ng Philippine Ambassador sa
Estados Unidos na si Jose Manuel Romualdez neto lamang Biyernes.
Dagdag pa aniya ni Romualdez, ang US lalo na ang mga myembro
ng US Department of Defense o di kaya ang “Pentagon”, ay sobrang nababahala
tungkol sa terminasyon ng VFA.
Sabi naman ni Romuladez sa mga reporter sa isang
kumperensiya - "It's a natural thing for them to be concerned... in
the sense that we could say that they were not prepared for something
as quickly as that one although they have contingencies."
Ayon pa sa mga karagdagang sinabi nya, nababahala ang pentagon partikyular sa
magiging epekto ng pag kansela ng VFA sa relasyon naman ng Manila at Washington.
Ayon naman kay US Defense Secretary Mark Esper kumakailan
lang na ang nasabing desisyon ng Pilipinas na taposin ang VFA ay isang hakbang
sa maling direksyon. Gayon din naman ang amo nito na si US President Trump na
sinabing wala siyang pakialam sa pag kansela ng kasunduan.
Wika pa ng puno ng Pentagon na ang pagtatapos ng VFA ay
magbibigay lamang sa China ng lakas ng loob na lumabag sa intenational law - "And
as we try and, you know, bolster our presence and compete with them
(China) in this era of great power competition, I think it's a move in the
wrong direction."
Ngunit ang komento naman ni Trump tungkol sa desisyon ni
Pangulong Duterte sa pagkansela ng VFA: "If they would like to do that,
that's fine. We'll save a lot of money."
Bagamat eto ang pahayag ni Trump, nabalita noong mga
nakaraang linggo, Feb 10, na magkakaroon ng pagpupulong ang Pilipinas sabi ng
isang opisyal ng US State Department upang talakayin ang plano ng Pilipinas na
tapusin ang VFA.
