President Duterte, Inaprobahan ang Kahilingang Ibigay ang Pabahay para sa Nasalanta ng Bulkang Taal

February 5, 2020 – Sa pahayag ng Malacañang netong Miyerkules lamang na mahigit sa limang libong (5,000) bahay na nakalaan para sa mga sundalo at kapulisan, ang ibibigay sa mga pamilyang nasalanta sa pagsabog ng bulkang Taal.

Inihayag eto ni Presidential Spokesperson Salvador Panelo matapos ibinigay ni Housing Secretary Eduardo Del Rosario ang Cabinet noong Martes hingil sa kahilingang magkaroon ng lugar para sa  permanenteng tirahan ng mga lumikas na pamilya.

Ayon kay Del Rosario, tinatayang limang libo hanggang anim na libong (5,000-6,000) bahay ang naitalang maapektohan sa paglikas mula sa naturang bulkan. Mayroon etong lawak na radius na pitong kilometro na pumapaloob lang mismo sa isla ng Taal na mayroong 2,000 na pamilya.

Ang NHA o National Housing Authority kumakailan lang, ay nagbigay ng 5,448 na bahay na pinaubaya naman ng Armed Forces of the Philippines at ng Philippine National Police. Ang nasabing pabahay ay kasalokuyang nakatayo sa Batangas, Laguna, Cavite, at Quezon.

Dagdag pa ni Panelo – “The President approved the request of the Department of Human Settlements and Urban Development to offer these housing units as a grant to the displaced families instead and commended such act of generosity. “

Samantala, iniulat din naman ni Del Rosario na sumang-ayon ang property developer na DMCI Holdings na ibalik ang kabayaran sa mga naapektohan netong mga customers sa Davao City.

Pahayag pa ni Panelo - “The Department of Human Settlements and Urban Development will be the one undertaking the negotiations on behalf of the government to resolve the issue.”

Naiulat din noong nakaraang buwan na nagbigay ng babala ang Pangulong Duterte sa DMCI dahil sa pag guho ng kapirangot na parte ng condominium neto sa Davao City. Dagdag pa dito, ang limang palapag ng Ecoland na pinapaluoban ng 4,000 residente ay naideklarang hindi ligtas (unsafe) pagkatapos ng yumanig na lindol na tumama sa Mindanao noong nakaraang taon. Ang lindol na eto ay nagbigay ng lakas na 6.5 magnitude at bahagyang ikinasira naman ng naturang establishment.