Manila,
Philippines – Nagpahayag ang Department of Health (DOH) nitong sabado lamang na
mayroong 593 health workers ang nagbulontaryo na tulongan ang mga ospital na
gamutin ang mga pasyente ng COVID-19 sa loob lamang ng isang buwan.
“As of 6
p.m. we now have 593 who have signed up to help in our fight against COVID-19,”
ito ang sabi ni Health Undersecretary Dr. Rosette Vergeire sa isang press
briefing.
Kumakailan
lang, nagsimulang maghanap ang DOH ng mga lisensyadong doktor at nurse na may
kagustohang magbulontaryo sa pagtulong sa mga ospital. Ang mga ito ay nasabing
babayaran ng P500 kada araw na may walong oras na trabaho.
Samantala,
humingi naman ng paumanhin ang DOH sa nasabing halaga ng allowance ng mga
health workers.
Sa social
media naman, ang ibang netizens ay nagreklamo kung bakit napakaliit ng nasabing
allowance para sa mga nagbulontaryo.
“This is not
far from reality. I am also a doctor and our department knows how important it
is to be a health worker especially during these times,” sabi ni Vergeire.
Dagdag pa
aniya, ang nasabing P500 ay parte ng kanilang protocol at binase lang umano ng
departamento ang halaga sa kumpensasyon na ibinigay sa mga nagbulontaryo na
tumulong bilang pag tugon sa outbreak noon.
Pahayag pa
ni Vergeire na ang pondo ay nakalaan na para sa pagkuha ng mga personal
protective equipment (PPEs).
Ayon pa sa
kanya, sinusuri pa ang alokasyon ng dagdag pondo na inaprobahan naman ng
Congress para sa DOH.
“Now that
the Congress has given us supplemental budget, we will allocate these funds to
important areas such as compensation for health workers, PPEs, COVID-19
response from Philhealth and improvement of health facilities.” – Vergeire.
Sa panahon
ng krisis, ang ating bansa ay talagang nangangailangan ng mga frontliners para
maibsan ang pagtaas ng bilang ng mga nahawaan ng virus. Pero sa kabila ng lahat
ng ito, bigyan natin ng pasasalamat ang mga nagbulontaryo sapagkat ang kanilang
adhikain ay hindi matutumbasan ng kahit na anong pa mang materyal na bagay.
