MANILA, Philippines – Kumakailan lang, sumailalim ang
pambansang kamao at senador Manny Pacquiao sa isang COVID-19 test kung saan
lumabas na siya ay negatibo. Sa resultang ito, nagbigay ng mensahe ang senador sa
isang media platform ng isang pasasalamat sa mga Pilipino sa pagsunod sa mga
panukala ng gobyerno.
Kilala si Senator Manny Pacquiao sa kanyang pananampalaya at
pinaalalahanan nya ang sambayanang Pilipino na sa gitna ng nararanasang krisis
ng bansa, dapat magtiwala ang mga tao sa Diyos.
“Magtiwala lang po tayo na ang Panginoon nag gagabay palagi
sa atin. God is in control” – Pahayag ni Manny sa video.
Bukod dito, pinasalamatan nya din ang Chinese Billionaire
Jack Ma, na isa ring malapit na kaibigan ng fighting senator. Nitong mga
nakaraang linggo, si Ma ay nagbigay ng 57,000 testing kits at 500,000 face
naman bilang donasyon sa mga frontliners ng ating bansa.
Kasalukuyang naka kwarantenas ang pamilya ng senador sa
kanilang tahanan sa Makati City village kung saan sila kasalukuyang nanunuluyan
kahit na ang senador ay nabalitang negatibo sa sakit.
Samantala, si senador Pimentel naman na natagpuang positibo
sa COVID-19 ay nai-ulat na dumalo sa isang kasiyahan kasama si Pacquiao nitong
mga nakaraang linggo.
May mga nagbigay rin ng komento kay Pacquiao bilang pagpuri
sa kanyang ginawa.
“Way to go Sen Manny! Ngayon talaga makikita kung sino ang
nagmamalasakit sa bansa at sa mga Pilipino. Isa ka dun. Unlike yung mga
kasamahan mo sa senado ng mga pa-epal lang. Kapag nag tweet at nag FB akala
nila nakatulong sila.” – pahayag ng isang netizens sa kanyang tweet.
May mga ilan din namang hindi natutuwa sa senador at imbis
na magpasalamat na lang ay nagawa pang mambatikos.
