MANILA,
Philippines – Gagawing lugar para sa mga persons under investigation (PUIs) ang
mga paaralanag pangpubliko sa lungsod ng Maynila ayon sa gobyerno ng siyudad.
Ito ang pahayag ng Manila City Mayor Isko Moreno matapos maabot ng mga ospital
sa kamaynilaan ang full capacity nito.
Libo-libong
mga kwarto ng paaralan ang magsisilbing quarantine area para sa mga mild PUIs.
Kabilang sa mga paaralang ito ang mga pang elementarya at high school.
“If dumami
pa nang husto, we can make about 5,000 rooms converting our public elementary
and high school as quarantine area for mild PUIs. Ibig sabihin mailayo agad.”-
Ito ang naging pahayag ni Manila Mayor Isko Moreno sa isang pampublikong panayam sa Laging Handa ng tanongin siya kung
ano ang magiging preparasyon niya sakaling maapektohan ng COVID-19 ang mga tao
sa mga mahihirap na lugar ng Manila.
Sa magiging
hakbang na ito ng alkalde, mabibigyang pansin ang mga naapektohan ng sakit sa
mahihirap na lugar pati na rin ang kaayosan ng mga pasyente sa mga ospital.
Isa sa mga
problemang kinakaharap ngayon ng ibang ospital ay ang biglaan dami ng tao na
tinamaan ng COVID-19. Dagdag pa, bukod sa lingsod ng Maynila, may mga ilang
ospital na rin ang hindi na tumatanggap ng pasyente sa kadahilanang puno na ang
mga ito.
Ang paraang
ito ni Mayor Isko ay mainam para maiwasan ang pagkalat ng COVID-19. Sa
isolation, importante ang pagkakaroon ng sapat na spasyo para maihiwalay agad
ang mga apektadong mamayan sa publiko.
“Ilayo na
kaagad, ilagay na namin sa isang area na magamit, pansamantalang tirahan habang
binibigyan ng tamang tugon yung mga nasa ospital.” – Mayor Isko Moreno.
Base sa
panukala ng DOH, dapat panatilihin ang social distancing para maiwasan ang
pagkalat ng virus. Kung ating pupunain, ang ideya ni Mayor Isko ay napakainam
sa kadahilanang ang mga paaralng gagamitin ay hindi pa naman nagagamit sa
kasalukoyan. Imbes na magsumiksik sa ospital, mas tama na gamiting quarantine
area ang ibang mga pampublikong establisyemento kagaya nito.
