MANILA, Philippines – Tinatayang may limang (5) senador ang
maghahain ng bagong resulosyon na magbibigay ng direktiba sa National Telecommunications
Commission o NTC, na payagan ang ABS-CBN na umere kahit na tapos na o wala nang bisa
ang prangkisa nito sa darating na Mayo.
Pahayag ito ng isang mambabatas nito lamang Linggo.
Ayon kay Joel Villanueva, maghahain sila ng isang resulosyon
na magbibigay ng awtoridad sa NTC para mabigyan ng probisyon ang ABS-CBN na ituloy ang
kanilang operasyon kahit na wala ng bisa ang kanilang prangkisa.
Bukod dito, kasami rin sa resolusyon ang pag suporta para sa
karagdagang panahon ng operasyon ng prangkisa, na aabot hanggang December 31,
2022. Dagdag pa aniya, maaapektohan umano ng pagtatapos ng prangkisa ang buhay
ng 11,071 na manggagawa ng ABS-CBN kasama ang mga kani-kanilang pamilya kung
hindi eto makakapag-operate.
“We will file a resolution to
allow NTC to give ABS-CBN a provisional authority to operate pending the
discussion of its franchise in the Congress. [We] will file a resolution
supporting the extension of its franchise until December 31, 2022. The lives of
11,071 workers of ABS-CBN, not to mention their families, will be affected if
the network will not be allowed to operate,” – Villanueva.
Sa ulat naman, ang mga nasabing
senador na nasa likod ng paghahain ng resulosyon ay sina Sonny Angara, Nancy
Binay, Sherwin Gatchalian, Joel Villanueva, at Juan Miguel Zubiri. Ang mga
senador na ito ay inaasahang maghahain ng resulosyon sa March 2 (Lunes). May
tinatayang anim na araw na session bago ang dalawang buwan na break ng
kongreso.
Dagdag pa sa ulat, ang limang
senador na ito ay magdedesisyon pa lamang kung ang nasabing resulosyon ba ay
magkasanib - maaring aprobahan ng kamara ng kongreso na maari namang isumite sa
Pangulo para sa pag-apruba; O concurrent na resolusyon – resolusyong hindi na
kailangan ng pag-aproba ng Pangulo.
Sa mga naunang ulat, si Senator Franklin
Drilon ay naghain ng joint resolution at ng hiwalay na concurrent resolution
para mapahaba ang prangkisa ng ABS-CBN. Samantalang si Ramon “Bong” Revilla
naman ay naghain din ng bill para sa ekstensyon ng prankisa ng nasabing
network.
Sa latest update, ang prangkisa
ng ABS-CBN ay magtatapos sa May 4, 2020.
