MANILA, Philippines – Naitalaga ang Anticrime advocate and
Presidential Anti-Corruption Commission (PACC) chair na si Dante Jimenez, bilang
anti-drug czar ng bansa ayon sa balita nito lamang Sabado. Itinalaga ni
Pangulong Rodrigo Duterte si Jimenez bilang cochair ng Inter Agency Committee
on Anti-illegal Drugs, kung saan eto naman ang naging poste ni VP Leni Robredo nitong
nakaraang taon lamang.
Sa ulat ngayong Martes, binigyan umano ni Robredo ng payo si
Jimenez na isang-tabi muna ang politika.
“Sana
iyong pagharap ng bagong responsibility, i-set aside iyong politika, kasi oras
na politika iyong paandarin, wala tayong aasahan na kabutihan na mangyayari.” – Payo ni
VP Leni Robredo kay Jimenez.
Dagdag pa ng Bise Presidente, dapat daw hindi makaligtaan na
tutokan ang supply at ang rehabilitasyon ng mga nalulong sa droga sa
kadahilanang marami na rin ang mga nagbago at ang mga handang tumulong.
“Pero
iyong sa akin, sa pagtutok sa supply, sana hindi kalimutan lalo na iyong
rehabilitation, dahil iyon ay marami nang advocates, marami nang grupo ang
willing to help.” – Robredo.
Bukod dito, inaasahan din ng Bise na dapat naayon sa mga data ang
magiging hakbang ni Jimenez.
Dagdag pa ni Robredo - “Maraming
mga miyembro sa ICAD na very professional, marami iyong hindi naman politiko,
na nagnanais lang ayusin iyong kampanya. Sana iyon iyong talents na ma-take
advantage of, kasi sayang.”
Ayon pa sa ulat, tinutokan ng Bise ang estatistika ng war on drugs
na tila nagkulang umano ito sa impormasyon. Ito daw umano ang magsisilbing
gabay para labanan ang illegal na droga.
Noong nakaraang taon, tinalaga ni Pangulong Rodrigo Duterte si
Robredo bilang isang drug czar, subalit sinesante naman agad ito ng Pangulo
pagkaraan ng 19 na araw. Ayon sa Malacañang, ang dahilan ng pagpapatalsik sa
kanya sa pwesto ay ang pag-gamit nya sa kanyang posisyon para atakihin ang pamamaraan
ng kasalukoyang administrasyon sa pagsugpo ng iligal na droga.
