MANILA, Philippines – Nagbabala ang Department of the
Interior and Local Government (DILG) na susundan nila ang kilos ng mga
abusadong local government units (LGU), pati na rin ang mga brangay officials
na nagsasamantala sa enhanced community quarantine sa pamamagitan ng pag
pagpapalago ng pera para sa sariling kapakanan.
Pahayag ni DILG Secretary Eduardo M. Año, kapag
napatunayan na sangkot ang mga LGUs at barangay officials sa illegal na gawaing
ito, seguradong sila ay masuspende o makulong sa kadahilanang ang kanilang mga
aksyon ay tiwali at labag sa pag-serbisyo sa publiko. Dagdag pa ni Año, hindi
ito mainam na aksyon lalo na sa panahon ngayon na may public health emergency.
"Mahiya kayo sa mga balat ninyo.
Sisiguraduhin ko na makukulong ang mga abusadong ‘yan na nakuha pang manloko ng
mga kababayan nila sa panahon ng krisis na tulad nito. You are expected to help
your people not cause them more sufferings," dagdag ni Año.
Nitong
nakaraan lamang, nakatanggap ng mga reklamo ang DILG hingil sa ilang
barangay officials na nagbebenta umano ng quarantine passes sa mga taong dapat
bigyan nito. Bukod dito, may ilan din na nag hahanda ng checkpoints sa kalsada
at highways at magpapahinto sa pag pasok ng mga cargoes at food deliveries kung
walang barangay-issued na passes.
Pahayag pa ni Año,ang ibang report pa ay tumutuligsa sa
mga barangay officials na naniningil umano ng bayad para sa food stubs at gate
passes na nagbibigay ng daan sa mga mamamayan na lumabas at pumasok sa kanilang
barangay para makabili ng pangangailangan.
Lahat ng gawaing ito, pahayag ni Año, ay ilegal at hindi
ito papalagpasin ng batas. Lahat ng lokal na opisyales ng gobyerno mula
governor hanggang barangay kagawad ay mahaharap sa parusa kung mapatunayang
nagkasala.
"We will impose the law. Wala po
kaming kikilingan kahit mayor ka pa o kapitan ng barangay basta napatunayang
ikaw ay may sala in proper due process, mananagot ka." - Año.
Sabi pa ni Año, walang kahit na sinong opisyal ng barangay ang may
karapatang magpahinto ng cargo at pag deliver ng pagkain - at kahit na anong
importanteng pangangailangan ng tao saan man sa bansa. Dagdag pa niya, maaring
humingi ng tulong ang barangay sa kani-kanilang mayor o governor kung kailangan
ng pondo para sa krisis na dulot ng COVID-19.
Naglunsad ang DILG ng Emergency Operations Center hotlines para sa mga
taong nagnanais tumawag sa departamento ng gobyerno kung sila ay may reklamo sa
mga lokal na opisyales sa kanilang barangay, na nananamantala sa ating mga
kababayan sa gitna ng krisis.
"Ito po ay mga ulat na amin nang
natanggap at patuloy na natatanggap kaya tinitiyak ko po sa ating mga kababayan
na walang makalulusot dito. Mananagot po ang mga abusadong ito sa batas," - Año.
Samantala, dalawang punong barangay naman ang nakondena sa lungsod ng
Taguig sa kadahilanang naninigngil ito ng P50 bago payagan ang mga tao na
makalabas sa barangay.
Samantala, binigyang diin ni Año na kailangang panatilihin ang
pagrespeto sa karapatang pantao lalong lalo na sa oras ng curfew.
"Para sa ating mga pulis at
pinuno ng barangay, ang ECQ po ay para matiyak na hindi po kakalat ang COVID-19
hindi para bigyan kayo ng pagkakataon na labagin ang karapatang pantao ng ating
mga kababayan na dapat ay inyong pinaglilingkuran." –
Año.
"While the DILG directed all
LGUs to strictly enforce the guidelines of the IATF-EID during this time of
national emergency- including the observance of curfews, we remind all local
officials that degrading and inhumane punishments are prohibited by no less
than the Constitution, - Dagdag pa niya.
Mga kabalitaktakan, hinihikayat nya ang mga tao na tumawag lamang dito
sa DILG EmergencyOperations Center hotlines 02-8876-3454 local 8806/8810 or 02-8925-0343kung kayo man ay may reklamo laban sa inyong lokal na opisyal sa pag-papatupadng enhanced community quarantine.
