MANILA,
Philippines – Nagpasa ang Senado at ang House ng isang probisyon na magbibigay
ng benipisyo sa mga walang trabaho o mahihirap na pamilya na inaasahang
makakatulong laban sa pag-pigil ng pagkalat ng COVID-19.
Sa bersyon
naman ng Senado, isang bill naman ang naipasa na layuning mabigyan si Pangulong
Rodrigo Duterte ng karagdagang kapangyarihan para masugpo ang COVID-19. Ang
hakbang din na ito ay naglalayon ng paglabas ng emergency fund para sa 18
milyong Pilipino na mababa ang kinikita o ang tinatawag na maralita.
Ayon sa
ulat, ang isang maralitang pamilya ay makakatanggap ng nasa P5,000 hanggang
P8,000 kada buwan sa loob ng dalawang buwan mula naman sa ibat ibang programa
ng lokal at nasyonal na gobyerno. Ito umano ay maiibigay sa pamamagitan ng
mismong pera, pero karamihan sa mga ito ay pagkain.
Ayon naman
kay Pia Cayetano na sponsor ng nasabing Senate Bill No. 1418, ang eksaktong
bilang ng pera ay nakadepende sa minimum wage ng isang rehiyon. ("The
exact amount is determined in proportion to the minimum wage of their
respective region".)
Samantala,
ang bersyon naman ng House ay ang pagbibigay tulong galing sa mas pina-igting na Pantawid Pamilya Program
na rumiresponde sa pangangailangan sa krisis, at programa para sa pagbibigay ng
mga kailangang bagay.
Sa
karagdagang ulat, ang Department of Social Welfare and Development (DSWD) ay
maaring bumili ng mga kagamitan para sa mga nangangailangang mga sector na
hindi napapagtuonan ng pansin habang ang buing Luzon ay nasa ilalim pa ng
pina-igting na kwarantenas.
Para na rin
sa kaalaman ng nakararami, dineklara ng Pangulong Duterte ang enhanced
community quarantine sa buong Luzon upang pigilan ang pagkalat ng COVID-19 na
ngayon ay pataas pa rin ang bilang ng nagiging positibo.
Ang mgandang
balita naman dito ay may iilan nang pasyente ang nakaligtas mula sa sakit.
Sa
pinakabagong ulat, pumalo na sa 552 ang kabuoang bilang ng mga nagpostibo sa
COVID-19.
