CAMP CRAME, Ginawang Quarantine Area ng PNP para sa mga Pulis na PUM at PUI

Manila, Philippines – Ginawang quarantine area ng Philippine National Police (PNP) nitong Martes ang Kiangan Billeting Center (KBC) sa loob ng headquarters ng Camp Crame, sa lungsod ng Quezon, upang tumanggap ng daan-daang PNP personnel na People Under Monitoring (PUMs) at People Under Investigation (PUI). Dahil dito, maibubukod ang mga ito sa kanilang mga kasamahan habang inoobserbahan naman sila sa posibleng pagkahawa sa impeksyon na dala ng COVID-19.

Ayon kay PNP spokesperson Brigade General Bernard Banac, ang KBC ay mayroong 43 na kwarto kung saan naman ang mga naka-kwarantenas ay mabibigyan ng pagkain, libreng tent, at iba pang serbisyo.

“This initiative is still part of the organization’s Biosafety Plan, helping our persons under investigation (PUIs) and persons under monitoring (PUMs) personnel to have a place where they can stay without worrying about the rent fee and their meal while in quarantine,” pahayag ni Banac.

Kung matatandaan, ang mga naitalang kaso ng COVID-19 sa PNP ay tumaas hanggang pito matapos maiulat na naging positibo ang limang opisyales ng Metro Manila Police sa COVID-19.

Eto ang mga larawan ng mga kwarto na gagawing quarantine area ng mga PNP na talaga namang maayos at malinis.