MANILA,
Philippines – Nagphayag ang Cotabato Regional Medical center nitong Huwebes
lamang na ang nag-iisang pasyente ng COVID-19 sa kanilang lungsod ay gumaling
na matapos ang dalawang linggong pag gamot dito.
Ayon sa
physiciam at chief ng CRMC na si Helen Yambao, sinabi nya sa mga reporter sa
isang press briefing na ang pasyente ay kumpirmado nang gumaling mula sa sakit
at nakalabas na sa pagamutan, bagamat hindi nito sinabi kung ano ang pangalan
ng pasyente.
Dagdag pa ni
Yambao, meron pang apat na pasyente sa CRMC na nakahanay naman sa Person Under
Monitoring (PUM).
“But we
can't say yet if they are indeed COVID-19 patients for now.” – Yambao.
Ang pasyente
na nakalabas na sa pag-gagamot ay isa sa 215 missionaries ng Islamic Tabligh na
dumalo sa isang pagpupulong sa Kuala Lumpur, Malaysia nitong buwan lamang.
TInatalang mayroong 15,000 missionaries sa sinabing pagpupulong.
Isang
Pilipinong Tablighs, na isang Maranaw naman ang nasawi na dumalo rin sa
nasabing kaganapan sa Kuala Lumpur. Naiulat na ang Maranaw ay positbo sa
coronavirus (COVID-19) at tuluyang binawian ng buhay sa Amai Pakpak Medical
Center sa Marawi City mahigit isang linggo na ang nakalipas.
Naihayag
naman ng Bangsamoro regional government na nakilala nila ang 196 sa 215 na
Pilipino Tablighs ang bumyahe sa Malaysia kumakailan lang.
Dagdag pa sa
ulat, mahigit 15,000 Tablighs sa magkakaibang bansa ang nakilahok sa
congregational gathering sa Kuala Lumpur, at daan-daang kasapi nito ang natagpuang positibo sa COVID-19.
Ayon kay
Asnin Pendatun na spokeman ng Bangsamoro Inter-Agency Task Force on COVID-19,
nasa kanila na ang mga pangalan ng mga Pilipinong Tablighs na nagpunta sa
Malaysia. Dagdag pa niya, sinusubukan na umano ng Bangsamoro regional
government na hanapin ang mga nakalista.
“We have
their names and their passport numbers.” – Ito ang pahayag ni Pendatun na
Cabinet Secretary sa opisina ng Chief Minister Hadji Ahod Ebrahim ng Bangsamoro
Autonomous Region sa Muslim Mindanao.
Ayon pa kay
Pendatun, 35 sa 215 Pilipinong Tablighs na naklilahok sa malaking pagpupulong
sa Malaysia ay galing sa probinsya ng BARMM.
Nakatala
naman ang tulong ng Regional Police Office ng BARMM at ang military ng Western
Mindanao Command pati na rin ang lokal ng gobyerno sa Maguindanao, Lanao del
Sur, Basilan, Sulu, Tawi-Tawi sa paghahanap sa mga lokasyon ng mga Tablighs na
tumangging magpasailalim sa isang medikal na eksaminasyon.
