MANILA,
Philippines – Nagpahayag si Senate President Vicente Sotto III sangayon siya na
sumailalim sa isa pang pagsusuri para sa coronavirus testing matapos dumalo sa
isang pagpupulong na kung saan nakasalamuha niya ang mambabatas ng House na
kumakailanlang ay nakumpirmang nakakuha ng virus.
Sabi naman
ni Sotto na maayos ang kanyang kalagayan ngunit kung iisipin ng mga tao na
nakakuha din sya, dapat siyang magpasuring muli.
“I’m fine
but (if) people think I should take a test again, I can and I will,” ito ang
sabi ni Sotto sa isang text message sa mga reporters nitong Huwebes lamang.
Dagdag pa ni
Sotto, sasailalim sya sa rapid test na kung saan ito ay pribado at hindi saklaw
ng Department of Health (DOH).
“Rapid test.
Private not DOH (Department of Health),” pahayag ni Sotto sa isang hiwalay na
text.
Nangyari ito
matapos maging positibo sa coronavirus (COVID-19) si ACT-CIS Rep. Eric Yap
nitong Miyerkules lamang.
Samantala,
naiulat na ang mga sekretarya ng kabinete, mga congressman at senador, kasama
si Sotto, ay nagkitakita sa isang pagpupulong sa Malacañang nitong katapusan
lamang ng linggo.
Dagdag pa ni
Sotto na nasa home quarantine pa siya at hindi nya matandaan na nakasalamuha
nya si Yap.
“I’m still
in home quarantine, though I don’t think I was exposed to him. The meeting with
them was very short. The real meeting transpired in the office of (Executive
Secretary Salvador Medialdea) and he (Yap) was not included. (Senator Pia
Cayetano) said he (Yap) was wearing a mask most of the time except for a pic that’s
why I did not see or recognize him.”– Sotto.
Bago pa man
ito nangyari, pinahayag na ni Sotto na sumailalim na siya sa COVID-19 test
noong March 16 sa tulong ng isang kaibigan mula sa private sector na mayroong
testing kit na hindi pa naaprobahan ng Department of Health (DOH) at ng Food
and Drug Administration (FDA).
Naitalang
negatibo ang 71 taong gulang na senador sa kanyang March 16 test. Ngunit ng
dahil sya ay mayroong tuyot na pag-ubo, at pamamaga ng lalamunan na ayon sa
ulat ay tumagal na ng ilang araw, at dahil na rin sa edad nya at paglantad nya
sa mga indibidwal na hinihinalang mayroong sakit, nagdesisyon siya na
sumailalim sa isa pang pagsusuri.
Sa mga
karagdagang ulat, si Yap ang kauna-unahang congressman na naging positibo sa
sakit. Sa upper chamber naman, mayroong tatlong mambabatas na naging postibo
rin sa COVID-19 – ito’y sina Senate Majority Leader Juan Miguel Zubiri, senator
Koko Pimentel, at Sonny Angara.
Samantala,
isa rin si Senadora Pia Cayetano sa naging positibo sa COVID-19.
