MANILA, Philippines – Sa talumpati ni Pangulong Rodrigo Dutete
ngayong March 16 ng gabi, hinikayat nya ang mga malalaking negosyante na
magbigay ng paunang 13th month pay, o kalahati ng kani-kanilang mga
sahod dahil sa pag-laban ng bansa sa coronavirus disease o COVID-19. Ito ay bilang
pagpapakita ng pagkakaisa-isa at pagbubuklod sa kabila ng kumalat na pandemic.
Pahayag ni Pangulong Duterte sa kanyang live speech – “Yun
sanang malalaking enterprises dito, maybe you can consider paying the 13th
month pay or just paying them maski kalahati sa sweldo nila as a way of showing
your solidarity with the Filipino at this critical time.”
Nilagay naman ni Pangulong Duterte
ang buong Luzon sa ilalim ng enhanced community quarantine kung saan ipapatupad
ang mahigpit na kwarantenas sa buong kabayahan. Kasama na rin sa paghihigpit na
ito ang pag suspinde ng mga transportasyon, ang pag-kontrol sa mga importanteng
serbisyo tulad ng pagkain, at paiigtingin pa ang presensya ng mga kapulisan at militar sa paligid. Ito ay para naman maseguradong mabigyan ng tulong ang mga taong nangangailangan
ng proteksyon.
Dagdag pa dito, pinaliwanag rin ni
Pangulong Duterte na ang nangyayaring paglatag ng mga nakaunipormeng personel
sa bawat sulok ng Metro Manila ay hindi nangangahulugang may Martial Law.
Aniya, ang paglulungsad ng Martial Law ay may mga kadahilanan tulad ng
rebelyon, pag-sakop ng mga terorista, at para madipensahan ang bansa laban sa pangugulo. Ngunit ang kinakaharap ng bansa ngayon ay isang hindi nakikitang kalaban. Kaya naman malabo itong maging martial law.
Dagdag pa ng Pangulo na wag matakot
sa mga kapulisan at militar lalong lalo na sa mga ganitong panahon. Hinikayat
niya na dapat humingi ng tulong ang tao sa kanila sa gitna ng sakuna para sa
pagsasa-ayos ng mga problema. Tulad na lang ito noong isang araw na muntik nang
makalusot ang isa sa may sintomas ng COVID-19. Kundi dahil sa mabilis na
responde, nakalusot sana ang isang pasaherong posibleng merong COVID-19 sa
Lucena.
Ang gobyerno naman ng Pilipinas ay
nagtaas ng alert level mula code red sublevel 1 hanggang sublevel 2.
