Manila,
Philippines – Negatibo ang resulta ng pagsusuri sa COVID-19 kay Pinoy champion
at Senator Manny Pacquiao nang gamitin nito ang test kit na nanggaling pa sa
Korea. Ginanap ang pagsusuri nitong biyernes lamang ilang oras ang nakalipas
matapos padalhan ng sulat ang Senador.
Sa sulat, nakaasaad na ang senador,
kasama ng kanyang pamilya at mga kasambahay na mag self-quarantine.
Idinitalye
din sa sulat ang pagsalamuha ni Sen. Manny Pacquiao kay Sen. Koko Pimentel, at
iba pang mambabatas sa isang pagpupulong at hapunan sa bakuran ng people’s
champ base sa isang video.
Paliwanag
naman ni Sen. Manny Pacquiao na ang hapunang yaon ay naganap noong March 4 pa
at hindi nitong nakaraang dalawang linggo lamang na kung saan pinangangambahan
ng nakararami sa kadahilanang ang incubation period ng COVID-19 ay umaabot ng
dalawang linggo.
Gayon pa
man, pinili pa rin ni Sen. Pacquiao na masuri gamit ang test kit na gawa sa
Korea at ang naging resulta ay negatibo.
Dagdag dito,
kagustuhan naman ng senador na magpasuri sa DOH para sa seguridad.
“Pero
magpapa-test pa rin ako sa DOH para hindi sila mag-worry sa akin.” – Pahayag ni
Sen. Pacquiao noong araw na pinangunahan niya ang pagbigay ng mga testing kits
na donasyon naman ng bilyonaryong Chinese na si Jack Ma.
Nilinaw
naman ni Sen. Pacquiao na ang testing kit na galing ng Korea ay hindi pa umano
nalilinaw ng Department of Health (DOH). Bukod dito, ang nasabing testing kit
ay hindi rin aprobado ng FDA sa Pilipinas ngunit ito na umano ang ginagamit na
testing kit sa Korea sapagkat ito ay aprobado doon.
“Pero yan
kasing test kit na ‘yan hindi pa approved ng FDA dito kasi wala pang nag-apply
pero ‘yan ang ginagamit sa Korea at approved sa Korea ‘yan pero for the benefit
of the doubt kaya magpa-test pa rin ako sa DOH doctor na approved ng FDA” –
Sen. Pacquiao.
“The whole
whole country will benefit from this donation and in the coming weeks, there’ll
be more coming.” – Dagdag pa ni Sen Pacquaio sa donasyon ni Ma’ng testing kits
na mgagamit sa Metro Manila at mga karatig probinsya.
“Regional
offices of the DOH in the Visayas and Mindanao are also going to benefit from
this.” – Sen Pacquaio.
Ayon pa sa
Senador, siya at ang kanyang pamilya ay nananatili lang sa bahay nitong mga
nakaraang linggo.
