MANILA,
Philippines – Kinundena ng Bagong Alyansang Makabayan (BAYAN) ang pag aresto sa
mga residente ng Sitio San Roque Quezon City matapos ito maiulat na
nagpulong-pulong para mag protesta para sa ayuda na hindi pa dumadating sa
kanila sa gitna ng emerhency sa COVID-19.
"Bakit
kailangan arestuhin ang mga nagugutom at humihingi ng pagkain? Masasagot ba ng
pandarahas ang kalam ng sikmura nila? Sila ba ay hahayaan na lang nating
tahimik na mamatay sa gutom?" ito ang pahayag ni BAYAN Secretary General
Renato Reyes.
Ayon sa
ulat, inaresto ng mga pulis ang 21 katao na sinasabing miyembro ng Samahan ng
Maggkapitbahay nang ito ay tumangging umuwi sa kani-kanilang tahanan. Mas mabuti
umano na humingi na lamang ng mga pangangailangan sa kanilang LGUs matapos ang
isang oras ng negosasyon ng mga awtoridad dito.
Dagdag pa sa
ulat ng pulis, nasa stado umano ang mga nagprotesta sa kustodya ng Criminal Investigation and
Detection Unit ng lungsod dahil sa hindi angkop ang kanilang pag-file ng
reklamo.
"Nasaan
ang P200 billion na nakalaan para sa economic assistance? At bakit police
action ang unang sagot sa mga hinaing ng mga nagugutom? Ano ang tindig ng
Mayor, ng IATF, at iba pang ahensya? Bakit dahas ang sinasagot sa mga
nagugutom?" - Sabi ni Reyes.
Dagdag pa ng
opisyal ng BAYAN na kusang –loob umano ang protesta at hindi dinaluhan ng mga
maralitang grupo na KADAMAY.
"It was
a local organization, gutom lang talaga." – Reyes.
Kumakailan
lang, nagpahayag si Quezon City Mayor Joy Belmonte na ang LGU ay mamimigay ng
400,000 food packs kada linggo habang ang Luzon ay nasa ilalim ng enhanced
community quarantine.
Dagdag pa ng
alkalde na kada pakete ng pagkain ay sapat sa mga pamilyang binubuo ng lima sa
laat ng barangay ng lungsod. Ang Quezon ay mayroong 142 barangay.
Samantala,
ang lungsod ng Quezon ay may naitalang 151 kaso ng COVID-19, 27 dito ang mga
nasawi, at 11 naman ang nakligtas.
