Manila,
Philippines – Sumangayon ang nakakulong na senadora na si Leila de Lima sa
kanyang mga kasamahan sa senado na gustong bumaba sa pwesto si Health Secretary
Francisco Duque III.
"I
agree with my Senate colleagues. 'Knowing fully well the danger posed by the
COVID-19 pandemic in the beginning of the year,' this administration’s Health
Secretary has 'failed to put in place the necessary precautionary measures to
lessen, if not at all prevent, the impact of this health crisis,'” pahayag ni
De Lima mula sa kanyang piitan sa Camp Crame.
Gayon pa
man, sinisisi pa rin ni De Lima si Pangulong Rodrigo Duterte. Sabi nito na ang
Pangulo ang pangunahing responsable sa pagkabigo ng pamumuno at pagpapabaya sa
pagresponde ng gobyerno sa COVID-19.
“'The buck
stops, here', goes the phrase popularized by former US President Harry Truman. The
chain of accountability lies in the head of government," sabi ni De Lima.
Naiulat na
nagutos ang Pangulong Duterte ng ‘ban’ sa mga bibisita sa bansa mula sa
probinsya ng Hubei gayon din sa iba pang lugar sa China na nasalanta ng
COVID-19 noong January 31.
Tinuligsa
din ni De Lima ang administrasyon para sa responde nitong “dismal and catch-up”
sa banta ng COVID-19.
Nitong
Huwebes lamang, may ilang mga senador ang nagsampa ng resolusyon para sa
resignation ni Duque dahil umano sa pagkaibigo nitong mamuno, kapabayaan,
kakulangan sa pananaw, at hindi epektibong pagganap sa kanyang mandato sa gitna
ng COVID-19 pandemic.
Samantala,
ayon sa Malacañang, si Duque ay mananatili sa kanyang posisyon.
Aniya ni
Duque, magpapatuloy siya sa pagsisilbi sa bansa at nangakong sasagutin lahat ng
aligasyon sa tamang panahon.
"We
will answer these allegations in due time but right now we will continue to be
in the trenches with our health care workers and frontliners," sabi ni Duque sa kanyang pahayag.
"I will
continue to serve the country to the best of my abilities. Magtulungan po
tayo," dagdag pa ni Duque.
