Manila,
Philipines – Pinagpatuloy na ng pwersa ng military ng gobyerno ang opensibang
operasyon laban sa mga rebeldeng guerilla sa buong bansa. Ito ang pahayag ng
military spokesman nitong Biyernes lamang sa kabila ng pagtatapos ng ceasefire
sa pagitan ng gobyerno at mga rebeldeng NPA.
Sinabi ni
Marine Brigadier General Edgard Arevalo na ang army infantry units at special
operations ay nagpatuloy na ng kanilang opesibang pagpapatrolya sa mga lugar na
kung saan aktibong nagsasagawa ng operasyon ang mga rebeldeng NPA.
“The
ceasefire lapsed automatically at 23:59 of 15 April 2020, unless the president
and commander-in-chief announces a new period of ceasefire, the AFP’s offensive
combat operations have resumed effective 0000 of 16 April 2020.” Sabi ni
Arevalo sa kanyang pahayag.
Ang mga
rebeldeng NPA ay nagdeklara ng unilateral ceasefire na ayon sa kanilang pinuno
ay isa umanong responde sa UN secretary general nang sa gayon ay matigil ang
putukan sa kabila ng pakikibaka ng buong mundo sa COVID-19.
Ngunit ayon
kay Arevalo, hindi umano tumitigil sa pag-atake at panggugulo ang mga NPA sa
gobyerno habang nakaangat naman ang isang buwang unilateral truce na diniklara
ni Pangulong Rodrigo Duterte. Sa mga panahong yaon, ang mga sundalong Pilipino
ay nakatuon sa pagbibigay ng tulong sa mga nasalanta ng virus.
“We have
listed down a total of 17 rebel violations during the period of their own
ceasefire declaration. This record is no different from various other accounts
of rebel ceasefire violations in the past that only confirms their recidivist
behavior every time there is a truce.” Aniya ni Arevalo.
Samantala,
naglabas naman ng pahayag ang mga komunista na ipagpalawig ang unilateral
ceasefire hanggang sa kataposan ng buwan kung saan naipalawig ng gobyerno ang
enhanced community quarantine hanggang April 30.
Subalit
inilarawan ni Arevalo na isa na naman itong propaganda ng mga rebelde.
“They can no
longer pull such a trickery. They can no longer fool the people as to their
real evil intentions,” sabi ni Arevalo.
Dagdag pa
aniya, hindi pa iniiwan ng communist movement ang kanilang political goal para
pabagsakin ang gobyerno sa pamamagitan ng paglikha ng pagkasira nito. Ginagamit
umano ang “CEASEFIRE” upang makalikha
ang mga ito ng uportonidad na samantalahin ang sitwasyon ng bansa.
Sabi pa ni
Arevalo na habang nasa ilalim ng ceasefire ang dalawang panig ay patuloy pa rin
ang pag-atake ng mga rebelde sa mga sundalo ng gobyerno na tumutulong sa lokal
na gobyerno.
Bukod pa
dito, nagagawa pa umanong magnakaw ng mga ito ng relief goods na para sa tao,
at nanggugulo ang mga ito sa mga lederato ng komunidad upang hindi magawa ang
kani-kanilang mga tungkolin.
Atyon pa kay
Arevalo, ang layunin ng mga rebelde ay para siraan ang gobyerno at hikayatin
ang mga tao na labagin ang batas ng community quarantine upang mabigo ang gobyerno
sa laban nito sa COVID-19 pandemic.
