Manila,
Philippines – Ayon kay senadora Leila De Lima, pinakita ni Pangulong Rodrigo
Duterte ang kanyang motibong authoritarian nang ito ay nagbabala ng posibleng
pag takeover ng military at kapulisan sa pagpapatupad ng quarantine sa gitna
ng sitwasyon ng coronavirus (COVID-19).
"Typical
tyrant Duterte to trap us with a false choice between safety and democracy. In
the face of this pandemic crisis, he was proven incompetent and has become more
desperate in wielding his authoritarianism,” ito ang sinabi ni De Lima sa
kanyang mensahe sa GMA News Online.
“Ikaw kaya
ang papiliin, Duterte: step up or step aside?" dagdag pa ni De Lima.
Nitong
Huwebes lamanag, sinabi na ng Pangulo na
uutusan nya ang mga pulis at military na ipatupad ang quarantine protocols kung
patuloy na mawawalan ng disiplina ang publiko at paglabag ng mga ito sa curfew
at social distancing.
"I’m
just asking for your disiplina. Kasi pag ayaw ninyo, ayaw ninyong maniwala,
mag-takeover ang military pati pulis. I am ordering them now to be ready. Ang
pulis pati military ang mag-enforce sa social distancing at yung curfew. Sila
na," sabi pa ng Pangulo.
"Parang
martial law na rin. Mamili kayo. Ayaw ko, pero pagka naipit na yung bayan at
walang disiplina kayo," dagdag pa ng Pangulo.
Ang enhanced
community quarantine ay pinatupad ng national government sa buong Luzon nitong
kalagitnaan ng Marso at napalawig hanggang April 30.
May mga
lugar naman sa bansa na strikto ang pagpapatupad ng mga hakbang.
Nitong April
13 naman, naitala ng Philippine National Police na mayroon 108,088 na lumabag
sa panukala ng striktong quarantine protocols sa gitna ng health emergency.
