Manila,
Philippines – Nahuli ang mahigit 200 na lumabag sa protocol ng enhanced
community quarantine nitong Sabado, April 18, sa Caloocan City. Ang mga ito ay naiulat
na pinaglakad ng halos mahigit sa dalawang oras sa kalsada habang ang mga kamay
ng mga ito ay nakagapos.
Sa ulat ni
Jonathan Andal sa ’24 Oras’, nasabing nahuli ang mga lumabag dahil nasa labas
pa ito ng kani-kanilang mga bahay kahit curfew na. Bukod pa dito, nahuli ang
iba na walang face mask at umiinom ng alak.
Ayon sa
pahayag ng ilan sa mga violators, wala silang kaalam-alam sa mga panukala ng
batas.
“Kasi ‘di po
namin alam na ngayon po pala tinaga ni Duterte ‘yong curfew,” – sabi ng isang
violator.
“‘Di naman
kami nawalay ho sa harap ng bahay. Suma-shot lang kami ng kaunti para
makatulog,” sabi naman ng isa.
Samantala,
pinaglakad ang isang grupo ng violators sa EDSA, at ang isa pang grupo ay sa
may Bagong Caloocan City Hall naman ng mahigit sa isang oras.
Dagdag pa sa
parusa, dinala din sila sa bakanteng lote para magsulat ng kanilang pangalan at
pinatikim ng sermon ng hepe ng Caloocan Police.
“Hirap na
hirap na ang mga frontliners. Nakikiusap sa inyo manatili kayo sa inyong mga
tahanan, eto ang sermon ng hepe.
Ang dahilan
umano kung bakit pinalakad ang mga violators na ito ay dahil hindi mapapatupad
ang social distancing sa loob ng sasakyan.
Sa panukala
ng ECQ, maaring mamultahan at aabot hanggang P5,000 ang hindi nakasuot ng face
mask lalo na sa pampublikong lugar. Samantalang ang lumabag naman sa curfew ay
P3,000 ang mulata sa unang paggawa nito.
Katulad ng
ginawa ng mga violators na umiinom - may liquor ban naman na kapag lumabag ka,
aabot sa P500 hanggang P1,500 ang multa.
Gayon din
ang pag-labag sa social distancing – P5,000 ang multa o pagkabilanggo ng anim
na buwan.
