Manila,
Philippines – Nilinaw ng Department of Health (DOH) nitong Lunes (April 13,
2020) na hindi nila pinagbawalan ang
aktres na si Angel Locsin sa pagbibigay ng misting tents bilang donasyon na ang
sabi umano, ang mga donasyong ito ay inalis sa Philippine General Hospital sa
kadahilanang makakasama ito sa mga tao.
Subalit, ang
sabi-sabing yaon ay pinabulaanan naman ni DOH Undersecretary Maria Rosario
Vergeire.
“Ito pong
misting tents sa PGH ay binigay po through the donation ni Ms. Angel Locsin…
she was not prohibited from making donations of misting tents by DOH, hindi po
siya pinagbawalan, contrary po dun sa lumalabas ngayon,” pahayag ni Vergeire sa
isang virtual press briefing nitong Lunes.
Ang binigay
na donasyon ng aktres sa PGH ay kasalukuyang inalis ng administrasyon ng
ospital dahil sa direktiba ng DOH laban sa pag spray ng disinfectant.
“Napagutos
na po ng pamunuan ng Philippine General Hospital na tanggalin na po ang misting
tents mula nung narinig po nila ang anunsyo ng Department of Health,” ayon pa
kay Vergeire.
PInagiingat
naman ng DOH ang mga tao sa pag spray ng disinfectants sapagkat ito ay walang
ibedensya na nakakasugpo ng virus.
Dagdag pa
dito, na ang aksyong ito ay magbibigay lamang ng hindi magandang resulta tulad
ng pagkairita ng balat at paglanghap ng mga kemikal.
Nilinaw pa
ni Vergeire na hindi umano inalis ang mga misting tents na ginamit ng mga
healthcare workers na nakasuot ng PPE. Ang tanging misting tents na bawal lang
ay yaong mga may masamang epekto sa tao.
“Ang mga
misting tents po na ating pinagbawalan ay yun pong magkakaroon ng harmful
effects sa ating mga kababayan kapag ginawa po na directly sa kanila,” ayon kay
Vergeire.
Dagdag pa ni
Vergeire, kasalukuyang ginagamit ang mga misting tents ng mga health workers
nan aka PPE.
“Pero yung
misting tents na ginagamit ng ating healthcare workers, lalung lalo na pagka
sila ay naka-PPE, ay nagagamit pa rin at nandun pa rin sa ating mga
facilities,” sabi ni Vergeire.
Ayon pa kay
Vergeire, nakipag-ugnayan na rin ang DOH kay Angel Locsin tungkol sa misting
tents.
“Siya po ay sumusunod
sa mga pamantayan at protocol ng Department of Health pagdating sa mga
dino-donate niyang mga produkto o mga equipment or supplies so dahil diyan po
napapasalamat po kami sa lahat po ng nagbibigay ng mga nagdo-donate.” –
Vergeire.
