Manila,
Philippines – Inatake ng mga kumunistang rebelde ang mga nagpapatrolyang mga
sundalo na nagsasagawa ng anti-coronavirus information drive sa Zamboanga del
Norte province sa southern Philippines.
Ayon sa mga
opisyales, naging sanhi ng putokan ang pag-atake sa nayon ng Pange sa bayan ng
Siayan nitong linggo.
Umabot naman
ng halos kalahating oras ang labanan at huminto na rin matapos magkawatak-watak
ng mga rebelde sa maliit na grupo at tumakas na.
Ayon sa
ulat, walang sundalong nasawi sa nasabing inkwentro at wala namang naibalita na
may nasawi sa mga rebeldeng kumunistang NPA.
Samantala,
nakuha ng mga sundalo ang mga improvised explosive at blasting cap, kasama rin
ang mapa na kung saan makikita ang target ng mga rebelde. Ayon kay Lt. Col.
Manaros Boransing na commander ng 97th infantry Battalion, naiwan ang mga bagay
na narecover ng mga rebelde.
Nitong
nakaraang buwan lamang, naiulat na sinunog ng pwersa ng rebelde ang mga
kagamitang pagmamay-ari ng private contractor na gumagawa ng isang proyekto ng
kalsada sa nayon ng Lower Liason sa bayan ng Tambulig – karatig probinsya ng
Zamboanga del Sur.
Ayon kay
Col. Leonel Nicolas na kumander ng 102nd Infantry Brigade, may tinatayang 100
national at local government na proyekto sa Zamboanga Peninsula at sa Misamis
Occidental na ngayon ay kanilang binabantayan para maging ligtas sa mga NPA.
Samantala,
ayon kay Maj. Gen. Generoso Ponio na kumander ng 1st Infantry Division, nilabag
ng mga rebelde ang kanilang unilateral ceasefire at ang pag-atake nila ay nagpapakita
ng pagiging traidor na gawain ng mga NPA.
“Our troops
will continue to perform our mandate in mitigating the spread of the Covid-19
(coronavirus disease 2019) in partnership with local governments as we protect
the constituents and ensure an unhampered implementation of government flagship
projects,” dagdag ni Ponio.
