Manila,
Philippines – Magbibigay ng kani-kanilang sahod sa buwan ng Abril bilang
donasyon ang mga top officials ng lokal na gobyerno ng Maynila sa Philippine
General Hospital (PGH) para matulongan ang pasilidad sa laban nito sa COVID-19
pandemic.
Pahayag naman
ng Manila public information office nitong Sabado ng gabi na ang aksyong
nangyari ay paraan lamang ng pagpapakita ng pakiki-isa at pakikiramay sa mga
health workers ng bansa na nasa frontline sa laban para sa COVID-19.
Ayon kay
Manila Mayor Isko Moreno Domagoso, aabot sa P4.7 million ang pinagsamang sahod
mula sa alkalde ng lungsod, vice mayor, councilors, at ilang mga congressmen,
ang maibibigay sa PGH ngayong buwan.
“In our own little way, we hope that this can
strengthen the capacity of our front liners, particularly those in the health
sector,” dagdag ni Moreno.
Sa ulat,
sinabi ni Moreno, bukod sa kanya, ang mga nagbigay pa ng kanilang sahod bilang
donasyon ay sina Vice Mayor Honey Lacuna, House Minority Leader Rep. Benny
Abante, Buhay Party-list Rep. Lito Atienza, at mga councilor na sina Manny
Lopez, Rolan Valeriano, at Yul Servo Nieto.
