Manila,
Philippines – Hinikayat ni Pangulong Rodrigo Duterte ngayong Huwebes (April 9)
ang mga survivors na mag-donate ng dugo bilang pasasalamat sa Diyos.
"Yung
mga nakalabas na sa lahat, mag-mabuting loob kayo, and I think kung ako, I
should volunteer. That is the way of thanking God that that you have
survived," ito ang naging pahayag ng Pangulo sa kanyang talumpati
pagkaraan ng hating gabi.
Ito rin ang
naging panawagan ng Pangulo sa Philippine General Hospital (PGH) – ang
pinakaunang ospital na susubok sa plasma transfurion.
Sa mga nauna
nang ulat, ginamit na ang hakbang na ito sa lungsod ng Wuhan sa China para
magamot ang mga pasyente na malala na ang karamdaman. Ang dugo naman ng mga
survivors ay naglalaman ng antibodies na kung saan mainam itong panlaban sa
virus.
"Magpakuha
kayo kasi yun ang dugo ninyo, yung plasma ninyo, yung ang i-iinject sa
tinamaan. So yung katawan mo makukuha niya 'yun," pahayag ng Pangulo.
Ayon pa kay
Pangulong Rodrigo Duterte, ang vaccine na ito ang solusyon sa virus.
Gayon pa
man, hinikayat ng Pangulo ang publiko na magtulongan. Hindi pa magagamit ang
nasabing vaccine.
"In the
mean time, we help each other as one nation... you can keep criticizing pero
alam ng taong bayan, alam ng Filipino, ano itong COVID at ano yung hakbang ng
gobyerno," pahayag ni Pangulong Rodrigo Duterte.
