Sa panahon
ng krisis, hindi na gaanong mahalaga kung ano man ang relehiyon na iyong
pinanggalingan. Lalo na tayong mga Pilipino na talaga namang napaka relehiyoso
at deboto sa ating pananampalataya. Ang kagandahan pa, lahat ng relehiyon sa
bansa ay nagtutulong tulong para sa ikabubuti ng mamayang Pilipino.
Ayon sa
ulat, nagpahgayag ang Base Conversion and Development Authority (BCDA)noong
Biyernes, April 3, na gagawing quarantine facility ng Iglesia ni Cristo (INC)
ang napakalaking Philippine Arena para sa mga pasyenteng nag positibo sa
coronavirus (COVID-19).
Nagpahayag
si BCDA President Vince Dizon sa isang public briefing ng Laging Handa, ng
kanyang pasasalamat sa INC dahil sa ginawang kabutihan ng kapatiran.
“Nagpapasalamat
tayo sa INC, sa kapatiran, pumayag na po sila, in-offer nilang gamitin ang
Philippine Arena para mag-serve sa Bulacan at sa Region 3,” – BCDA President
Vince Dizon.
Ang nasabing
Philippine Arena ay pinakamalaking indoor arena sa buong mundo na may 99,000
square meters ang sukat ng floor area at may kapasidad itong mauupuan ng
mahigit 50,000.
Nauna nang
naiulat ng Inter-Agency Task Force for the management of Emerging Infectious
Diseases (IATF-EID) na gagawin ding pasilidad ang Philippine International
Convention Center (PICC) at pati na rin ang World Trade Center (WTC) sa Pasay
kasama ang Rizal Memorial Sports Complex sa Manila. Ang mga pasilidad na ito ay
magsisilbing lugar para dito matuonan ng maayos na pansin ang mga pasyenteng
merong COVID-19.
Ang mga
nabanggit na tatlong pasilidad ay naiulat na matatapos sa loob lamang ng
sampung (10) araw ayon sa pahayag ni Public Works Secretary Mark Villars sa
kaparehas ding briefing ng Laging Handa.
Bukod sa
tanyag na mga building sa Metro Manila, meron din naman sa FTI sa Taguig,
Quezon Institute (QC), Ultra sa Pasig, Filinvest Tent sa Muntinlupa City, Duty
Free PH sa Parañaque City, Amoranto Stadium sa QC, Veterans Memorial Complex,
at ang bukas na lugar sa Quezon Memorial Circle.
Isa rin sa
tinitingnan ngayon para sa pasilidad sa COVID-19 ang New Clark City, Convention
Center sa Clark, at ang Athletes’ Village.
“Ginagawa po
natin ito para hindi na kumalat itong virus na ito sa ating mga kababayan. Ang
mga ospital po natin ay unti-unti ng napupuno, gusto po natin maigilan ang
pagdagsa ng mga tao sa ating ospital para po ang ating ospital ma-prioritize
ang mga may severe na pangangailangan.” – Dizon.
Dagdag pa sa
pahayag ni Dizon, na itong mga pasilidad ng gobyerno ay libre.
“Sinisigurado
ng ating gobyerno at private sectors, unang-una libre ang pagkain dito pati sa
ating staff. Walang iisipin ang ating kababayan. Airconditioned ang lahat ng
ating facilities na itatayo. Ikatlo, free WiFi din po ang ibibigay,
nagpapasalamat tayo sa PLDT at Smart.” – Dizon.
Pinasalamatan
din ni Dizon ang lahat ng pribadong sector na tumulong sa pag asiste sa paggawa
ng pasilidad para sa COVID-19 quarantine.
“Unang-una
gusto nating pasalamatan ang Razon Group, Prime BMD at Bloomberry Cultural
Foundation, sila ang gumagawa ng Rizal Memorial, wala pong gastos ang gobyerno
diyan.”
“Nagpapasalamat
din tayo sa EEI at Vista Land, sila ang gumagawa ng PICC sa tulong ng DPWH.
Minimal ang gastos ng ating gobyerno diyan. Nagpapasalamat din tayo sa Ayala
Land, AC Energey, Makati Development Corp. at ICPP, sila ang nag-ooperate sa
World Trade Center.”
“Sa
Filinvest, Aboitiz Group, Lina Group of Companies, Meralco nag-offer ng libreng
kuryente sa facilities, Smart, PLDT, Globe, DM Consunji at Concepcion
Industries dahil nagbibigay sila ng libreng air-conditioning units.”
