Mga Grupo at Mambabatas, Pinuna ang Utos ni Pangulong Rodrigo Duterte Laban sa mga Nang-gulo

Manila, Philippines – Binatikos ng mga mambabatas, human rights advocates, at ng mga grupo ng leftist si Pangulong Rodrigo Duterte nitong Huwebes, April 2, ang kanyang utos sa kapulisan ng COVID-19 quarantine na ‘shoot and kill’  kung mapatunayang ang protesta ay magiging badya sa buhay ng mga enforcer.

Nitong Miyerkules lamang, naaresto ang 21 na nagprotesta sa Brgy. San Roque sa lungsodng Quezon, dala-dala ang kanilang mga karton na may nakasulat para mapansin nglokal na gobeyerno. Ayon sa reklamo ng mga nagprotesta, hindi umano natugonanang kanilang pangangailangan sa pagkain.

Sa panig naman ng awtoridad, mas mabuti kung humingi na lang sila ng kanilang mga pangangailangan sa LGU kesa magprotesta. Dagdag pa dito, matagal ang naging negosasyon ng mga awtoridad bago nag nagkagulo.

Samantala, nagpahayag si Senator Risa Hontiveros na dapat rumesponde ang national government sa pangangailangan ng publiko lalong lalo na sa mga naapektohan ng lockdown.

"Ang mga tao ngayon ay gutom, may sakit, at nawalan ng kabuhayan. Their urgent needs should be met not w/ death threats, but w/ compassion & concern. Ang kailangan ng taumbayan ngayon ay pagkain, ayuda, at proteksyon sa mga frontliners, hindi dahas at pagbabanta.” Ayon sa tweet ni Hontiveros.

Kumakailan lang, sinumulan na ang ‘Bayanihan to Heal as One Act” kung saan namimigay na ng mga forms ang kawani ng DSWD para malaman ang kalagayan ng pamilya at kung makakakuha ba ito ng benepisyo galing sa nasbing act.

Bukod pa kay Hontiveros, nagpahayag din si senator Kiko Pangilinan na hindi masosoluyonan ng pananakot ang gutom. Tinanong din ni Kiko kung saan na napunta ang pondo ng gobyerno para sa pagkain ng mga naapektohang pamilya ng COVID-19. Gayon din ang grupo ng human rights Amnesty International Philippines at ‘KARAPATAN’ na nagpahayag kaparehas ng sinabi ni Pangilinan.

Umapela ang Pangulo sa mga leftist na huwag mang-gulo, kung hindi ay ipapakulong sila.