Isang Indian Restaurant, Namimigay ng Libreng Pagkain sa Gitna ng Crisis na Dala ng COVID-19

Isang Indian restaurant sa Cainta, Rizal ang namimigay ng libreng pagkain sa mga dumadaan dito sa gitna ng enhanced community quarantine.

Ayon sa YouScooper na si Jirah Joy Padama, ibinahagi nya ang kanyang nakita habang siya ay naglalakad sa Greenpark sa Cainta para maghanap ng pagkain nang makita nya ang isang Indian na nakaupo sa labas ng Indian restaurant na merong sign. Nakasulat dito – “all people free eating here”.

Ang Indian na ito ay nagngangalanag Vijay at nag-aalok nag-alok ito kay Jirah at kanyang mga kaibigan na kumain sa kanyang restaurant ng libre.

Ayon kay Jirah, ang may-ari ng kainan ay nais mamigay ng pagkain sa mga taong dumadaan.

Kung tatanongin ang Indian, ang dahilan kung bakit nagaalok ng libreng pagkain ay dahil umano sa pinagdadaanan ng bansa sa gitna ng COVID-19. Sa Facebook post ng GMA, nais lang makapagbigay ng “Good Vibes” ng Indian.